``我只是塵世間一個林婷欣. ..

點解我要讀書?

讀書..或者係每個人必經既階段..但系好多人都唔鐘意讀書..

對於鐘意讀書既朋友..讀書系一種享受.. (我估呢種機率大約1%)

對於唔鐘意讀書既朋友..讀書系一種折磨.. (我屬於呢種)

咁點解我仲要讀書?!

熟悉我既朋友都知我曾經講過：

「呢個社會好現實..雖然考試唔代表一切..但我地既將來..

往往比一張紙決定..果張紙係一張成績表..或者畢業證書..」

可能你會問：成績唔得..但你有實際能力..唔得咩?

得!不過絕大部分人條路都會難行得多..

除非..你有貴人相助..家底豐厚..或者你真系一個天才!

試問一個只有中五學歷既人..會有幾大作為?

就算有..都要付出比常人更大既努力!

只系你想先苦後甜   定先甜後苦?

相信唔少媽咪Daddy都成日同班仔女講：

「你呀!要比D心機讀書呀!千奇唔好好似我細個咁..

成日掛住玩..我都系唔想你重蹈我覆轍姐..

一定要入到大學..賺多D錢黎養我..」

或者佢地講既說話有佢地既道理!

不過..既然佢地而家講得呢番說話..

證明佢地細個可能都系讀唔到書..真心讀書太難!!

自己都做唔到..莫講話怪我地呢?

有無留意上面幅圖?

「如果好好讀書..佢將來唔系醫生就系律師」

的確..你入到大學..想賺大錢既機會就大好多..

雖然入大學並不代表一生順風順水..

但對將來總算多一個保證..

「政府都要賣廣告、求學不是求分數」

求學既真正意義的確不在於求分數…

但分數不足又如何繼續升學求學?

我斗膽問一句：你地政府請人睇唔睇分數??

「書中自有千鐘粟，書中自有黃金屋，書中自有顏如玉」

我細細個就聽過呢句野!古人金句必有其深層意義!

好可惜..現代學生根本唔受呢套..你同佢硬Sell讀書好處..

佢真系要回贈你一句：彩你都傻啦!

依我所見..要學生哥讀書..

其中一個頗為有效既方法就系加設獎勵..但意義又何在呢?

古人讀書為科舉..升官加職..

現代人讀書為考試..搵份好工..

到頭來..讀書為樂趣既..又有幾多呢?

(不同意者歡迎任插)